Song of Solomon 6
1 Thou faireste of wymmen, whidur yede thi derlyng? whidur bowide thi derlyng? and we schulen seke hym with thee.
| אנה הלך דודך היפה בנשים אנה פנה דודך ונבקשנו עמך |
2 My derlyng yede doun in to his orcherd, to the gardyn of swete smellynge spices, that he be fed there in orcherdis, and gadere lilyes.
| דודי ירד לגנו לערגות הבשם--לרעות בגנים וללקט שושנים |
3 Y to my derlyng; and my derlyng, that is fed among the lilies, be to me.
| אני לדודי ודודי לי הרעה בשושנים |
4 Mi frendesse, thou art fair, swete and schappli as Jerusalem, thou art ferdful as the scheltrun of oostis set in good ordre.
| יפה את רעיתי כתרצה נאוה כירושלם אימה כנדגלות |
5 Turne awei thin iyen fro me, for tho maden me to fle awei; thin heeris ben as the flockis of geet, that apperiden fro Galaad.
| הסבי עיניך מנגדי שהם הרהיבני שערך כעדר העזים שגלשו מן הגלעד |
6 Thi teeth as a flok of scheep, that stieden fro waischyng; alle ben with double lambren, `ether twynnes, and no bareyn is among tho.
| שניך כעדר הרחלים שעלו מן הרחצה שכלם מתאימות ושכלה אין בהם |
7 As the rynde of a pumgranate, so ben thi chekis, without thi priuytees.
| כפלח הרמון רקתך מבעד לצמתך |
8 Sixti ben queenys, and eiyti ben secundarie wyues; and of yong damesels is noon noumbre.
| ששים המה מלכות ושמנים פילגשים ועלמות אין מספר |
9 Oon is my culuer, my perfit spousesse, oon is to hir modir, and is the chosun of hir modir; the douytris of Syon sien hir, and prechiden hir moost blessid; queenys, and secundarie wyues preisiden hir.
| אחת היא יונתי תמתי--אחת היא לאמה ברה היא ליולדתה ראוה בנות ויאשרוה מלכות ופילגשים ויהללוה |
10 Who is this, that goith forth, as the moreutid risynge, fair as the moone, chosun as the sunne, ferdful as the scheltrun of oostis set in good ordre?
| מי זאת הנשקפה כמו שחר יפה כלבנה ברה כחמה--אימה כנדגלות |
11 Y cam doun in to myn orcherd, to se the applis of grete valeis, and to biholde, if vyneris hadden flourid, and if pumgranate trees hadden buriowned.
| אל גנת אגוז ירדתי לראות באבי הנחל לראות הפרחה הגפן הנצו הרמנים |
12 Y knew not; my soule disturblide me, for the charis of Amynadab.
| לא ידעתי--נפשי שמתני מרכבות עמי נדיב |
13 Turne ayen, turne ayen, thou Sunamyte; turne ayen, turne ayen, that we biholde thee. What schalt thou se in the Sunamyte, no but cumpenyes of oostis?
| שובי שובי השולמית שובי שובי ונחזה בך מה תחזו בשולמית כמחלת המחנים |
