Psalms 99

1 The Lord hath regned, puplis ben wrooth; thou that sittist on cherubyn, the erthe be moued.

psalmus David Dominus regnavit irascantur populi qui sedet super cherubin moveatur terra

2 The Lord is greet in Sion; and hiy aboue alle puplis.

Dominus in Sion magnus et excelsus est super omnes populos

3 Knouleche thei to thi greet name, for it is ferdful and hooli;

confiteantur nomini tuo magno quoniam terribile et sanctum est

4 and the onour of the king loueth doom. Thou hast maad redi dressyngis; thou hast maad doom and riytfulnesse in Jacob.

et honor regis iudicium diligit tu parasti directiones iudicium et iustitiam in Iacob tu fecisti

5 Enhaunse ye oure Lord God; and worschipe ye the stool of hise feet, for it is hooli.

exaltate Dominum Deum nostrum et adorate scabillum pedum eius quoniam sanctum est

6 Moises and Aaron weren among hise preestis; and Samuel was among hem that inwardli clepen his name. Thei inwardli clepiden the Lord, and he herde hem;

Moses et Aaron in sacerdotibus eius et Samuhel inter eos qui invocant nomen eius invocabant Dominum et ipse exaudiebat illos

7 in a piler of cloude he spak to hem. Thei kepten hise witnessyngis; and the comaundement which he yaf to hem.

in columna nubis loquebatur ad eos custodiebant testimonia eius et praeceptum quod dedit illis

8 Oure Lord God, thou herdist hem; God, thou were merciful to hem, and thou tokist veniaunce on al her fyndyngis.

Domine Deus noster tu exaudiebas illos Deus tu propitius fuisti eis et ulciscens in omnes adinventiones eorum

9 Enhaunse ye oure Lord God, and worschipe ye in his hooli hil; for oure Lord God is hooli.

exaltate Dominum Deum nostrum et adorate in monte sancto eius quoniam sanctus Dominus Deus noster