Numbers 31
1 And the Lord spak to Moyses, and seide,
Locutusque est Dominus ad Moysen, dicens:
2 Venge thou firste the sones of Israel of Madianytis, and so thou schalt be gaderid to thi puple.
Ulciscere prius filios Israel de Madianitis, et sic colligeris ad populum tuum.
3 And anoon Moises seide, Arme ye men of you to batel, that moun take of Madianytis the veniaunce of the Lord.
Statimque Moyses, Armate, inquit, ex vobis viros ad pugnam, qui possint ultionem Domini expetere de Madianitis.
4 Of ech lynage be chosun a thousynde men of Israel, that schulen be sent to batel.
mille viri de singulis tribubus eligantur ex Israel qui mittantur ad bellum.
5 And of ech lynage thei yauen a thousynde, that is twelue thousynde of men, redi to batel;
Dederuntque millenos de singulis tribubus, id est, duodecim millia expeditorum ad pugnam:
6 whiche Moises sente with Fynees, the sone of Eleazar, preest. And he bitook to hem hooli vesselis, and trumpis to make sown.
quos misit Moyses cum Phinees filio Eleazari sacerdotis, vasaque sancta, et tubas ad clangendum tradidit ei.
7 And whanne thei hadden fouyt ayens Madianytis, and hadden ouercome, thei killiden alle the malis,
Cumque pugnassent contra Madianitas atque vicissent, omnes mares occiderunt,
8 and `the kyngis of hem, Euy, and Reem, and Sur, and Hur, and Rebe, fyue princes of `the folc of hem. Also thei killiden bi swerd Balaam, the sone of Beor.
et reges eorum Evi, et Recem, et Sur, et Hur, et Rebe, quinque principes gentis: Balaam quoque filium Beor interfecerunt gladio.
9 And thei token the wymmen of hem, and the litle children, and alle beestis, and al purtenaunce of howshold; what euer thei myyten haue, thei spuyleden;
Ceperuntque mulieres eorum, et parvulos, omniaque pecora, et cunctam supellectilem: quidquid habere potuerant depopulati sunt:
10 flawme brente as wel citees, as litle townes and castels.
tam urbes quam viculos et castella flamma consumpsit.
11 And they token pray, and alle thingis whiche thei hadden take, as wel of men as of beestis, and thei brouyten to Moyses,
Et tulerunt praedam, et universa quae ceperant tam ex hominibus quam ex iumentis,
12 and to Eleazar, preest, and to al the multitude of the sones of Israel. Forsothe thei baren othere `thingis perteynynge to vss, to the castels in the feldi places of Moab bisidis Jordan, ayens Jericho.
et adduxerunt ad Moysen, et Eleazarum sacerdotem, et ad omnem multitudinem filiorum Israel. reliqua autem utensilia portaverunt ad castra in campestribus Moab iuxta Iordanem contra Iericho.
13 Moises and Eleazar, preest, and alle the princes of the synagoge, yeden out in to the comyng of hem, with out the castels, `that is, of the tabernacle.
Egressi sunt autem Moyses, et Eleazar sacerdos, et omnes principes synagogae in occursum eorum extra castra.
14 And Moises was wrooth to the princes of the oost, to tribunes, and centuriouns, that camen fro batel;
Iratusque Moyses principibus exercitus, tribunis, et centurionibus qui venerant de bello,
15 and he seide, Whi reserueden ye wymmen?
ait: Cur feminas reservastis?
16 whether it be not these that disseyueden the sones of Israel, at the suggestioun of Balaam, and maden you to do trespas ayens the Lord, on the synne of Phegor, wherfor also the puple was slayn?
Nonne istae sunt, quae deceperunt filios Israel ad suggestionem Balaam, et praevaricari vos fecerunt in Dominum super peccato Phogor, unde et percussus est populus?
17 And therfor sle ye alle men, what euer thing is of male kynde, and litle children; and strangle ye the wymmen that knew men fleischli;
Ergo cunctos interficite quidquid est generis masculinis, etiam in parvulis: et mulieres, quae noverunt viros in coitu, iugulate:
18 forsothe reserue ye to you damesels, and alle wymmen virgyns,
puellas autem et omnes feminas virgines reservate vobis:
19 and dwelle ye with out the castels in seuene daies. He that sleeth a man, ether touchith a slayn man, schal be clensid in the thridde and the seuenthe dai;
et manete extra castra septem diebus. Qui occiderit hominem, vel occisum tetigerit, lustrabitur die tertio et septimo.
20 and of al the pray, whether it is clooth, ether vessel, and ony thing maad redi in to thingis perteynynge to vss, of the skynnys and heeris of geet, and `of tre, it schal be clensid.
Et de omni praeda, sive vestimentum fuerit, sive vas, et aliquid in utensilia praeparatum, de caprarum pellibus, et pilis, et ligno expiabitur.
21 And Eleazar, preest, spak thus to the men of the oost that fouyten, This is the comaundement of the lawe, which the Lord comaundide to Moises,
Eleazar quoque sacerdos ad viros exercitus, qui pugnaverunt, sic locutus est: Hoc est praeceptum legis, quod mandavit Dominus Moysi:
22 The gold, and siluer, and bras, and yrun, and tiyn, and leed, and al thing that may passe by flawme, schal be purgid bi fier;
Aurum, et argentum, et aes, et ferrum, et plumbum, et stannum,
23 sotheli what euer thing may not suffre fier, schal be halewid bi the watir of clensyng.
et omne, quod potest transire per flammas, igne purgabitur. quidquid autem ignem non potest sustinere, aqua expiationis sanctificabitur:
24 And ye schulen waische youre clothis in the seuenthe dai, and ye schulen be clensid; and aftirward ye schulen entre in to the castels `of the tabernacle.
et lavabitis vestimenta vestra die septimo, et purificati postea castra intrabitis.
25 And the Lord seide to Moises, Take ye the summe of tho thingis that ben takun, fro man `til to beeste,
Dixit quoque Dominus ad Moysen:
26 thou, and Eleazar, preest, and alle the princes of the comyn puple.
Tollite summam eorum, quae capta sunt ab homine usque ad pecus, tu et Eleazar sacerdos et principes vulgi:
27 And thou schalt departe euenli the prey bytwixe hem that fouyten and yeden out to batel, and bitwixe al the multitude.
dividesque ex aequo praedam inter eos, qui pugnaverunt egressique sunt ad bellum, et inter omnem reliquam multitudinem.
28 And thou schalt departe a part to the Lord, of hem that fouyten, and weren in batel, `o soule of fiue hundrid, as wel of men, as of oxun, and of assis, and of scheep.
et separabis partem Domino ab his, qui pugnaverunt et fuerunt in bello, unam animam de quingentis tam ex hominibus quam ex bobus et asinis et ovibus,
29 And thou schalt yyue `that part to Eleazar, preest, for tho ben the firste fruytis of the Lord.
et dabis eam Eleazaro sacerdoti, quia primitiae Domini sunt.
30 Also of the myddil part of the sones of Israel, thou schalt take the fiftithe heed of men, and of oxun, and of assis, and of scheep, and of alle lyuynge beestis; and thou schalt yyue tho to the dekenes, that waken in the kepyngis of the tabernacle of the Lord.
Ex media quoque parte filiorum Israel accipies quinquagesimum caput hominum, et boum, et asinorum, et ovium, cunctorum animantium, et dabis ea Levitis, qui excubant in custodiis tabernaculi Domini.
31 And Moyses and Eleazar diden, as the Lord comaundide.
Feceruntque Moyses, et Eleazar, sicut praeceperat Dominus.
32 Forsothe the prey which the oost hadde take, was sixe hundrid fyue and seuenti thousynde of scheep,
Fuit autem praeda, quam exercitus ceperat, ovium sexcenta septuaginta quinque millia,
33 of oxun two and seuenti thousynde,
boum septuaginta duo millia,
34 of assis sixti thousynde and a thousynde;
asinorum sexaginta millia et mille:
35 the soules of persones of femal kynde, that knewen not fleischli men, two and thretti thousynde.
animae hominum sexus feminei, quae non cognoverant viros, triginta duo millia.
36 And the myddil part was youun to hem that weren in the batel, of scheep thre hundrid seuene and thretti thousynde and fyue hundrid;
Dataque est media pars his, qui in praelio fuerant, ovium trecenta triginta septem millia quingentae:
37 of whiche sixe hundrid fyue and seuenti scheep weren noumbrid in to the part of the Lord;
e quibus in partem Domini supputatae sunt oves sexcentae septuaginta quinque.
38 and of sixe and thretti thousynde oxun,
Et de bobus triginta sex millibus, boves septuaginta et duo:
39 two and seuenti oxun, and of thretti thousynde assis and fyue hundryd, oon and sixti assis;
de asinis triginta millibus quingentis, asini sexaginta unus:
40 of sixtene thousynde persoones of men, twei and thretti persoones bifelden in to the `part of the Lord.
de animabus hominum sedecim millibus, cesserunt in partem Domini triginta duae animae.
41 And Moises bitook the noumbre of the firste fruytis of the Lord to Eleazar, preest, as it was comaundid to hym,
Tradiditque Moyses numerum primitiarum Domini Eleazaro sacerdoti, sicut fuerat ei imperatum,
42 of the myddil part of the sones of Israel, which he departide to hem that weren in batel.
ex media parte filiorum Israel, quam separaverat his, qui in praelio fuerant.
43 And of the myddil part that bifelde to the tother multitude, that is, of thre hundrid seuene and thretti thousynde scheep and fyue hundrid,
De media vero parte, quae contigerat reliquae multitudini, id est, de ovibus trecentis triginta septem millibus quingentis,
44 and of sixe and thretti thousynde oxun,
et de bobus triginta sex millibus,
45 and of thretti thousynde assis and fyue hundrid, and of sixtene thousynde wymmen,
et de asinis triginta millibus quingentis,
46 Moyses took the fyftithe heed,
et de hominibus sedecim millibus,
47 and yaf to the dekenes, that wakiden in the tabernacle of the Lord, as the Lord comaundide.
tulit Moyses quinquagesimum caput, et dedit Levitis, qui excubabant in tabernaculo Domini, sicut praeceperat Dominus.
48 And whanne the princes of the oost, and the tribunes and centuriouns hadden neiyed to Moises,
Cumque accessissent principes exercitus ad Moysen, et tribuni, centurionesque dixerunt:
49 thei seiden, We thi seruauntis han teld the noumbre of fiyters, whiche we hadden vndur oure hoond, and sotheli not oon failide;
Nos servi tui recensuimus numerum pugnatorum, quos habuimus sub manu nostra: et ne unus quidem defuit.
50 for which cause we offren `in the fre yiftis of the Lord, alle bi vs silf, that that we myyten fynde of gold in the pray, girdelis for `the myddil of wymmen, and bies of the armes, and ryngis, and ournementis of the arm nyy the hond, and bies of the neckis of wymmen, that thou preye the Lord for vs.
Ob hanc causam offerimus in donariis Domini singuli quod in praeda auri potuimus invenire, periscelides et armillas, annulos et dextralia, ac muraenulas, ut depreceris pro nobis Dominum.
51 And Moises and Eleazar, preest, token al the gold in dyuerse spices,
Susceperuntque Moyses, et Eleazar sacerdos omne aurum in diversis speciebus,
52 `ether kyndis, bi the weiyte of the seyntuarye, sixtene thousynde seuene hundrid and fifti siclis, of the tribunes, and centuriouns.
pondo sedecim millia, septingentos quinquaginta siclos a tribunis et centurionibus.
53 For that that ech man rauyschide in the prey, was his owne;
Unusquisque enim quod in praeda rapuerat, suum erat.
54 and thei baren the gold taken in to the tabernacle of witnessyng, in to the mynde of the sones of Israel, bifor the Lord.
Et susceptum intulerunt in tabernaculum testimonii, in monimentum filiorum Israel coram Domino.
