Psalms 72
1 A Psalm of Solomon. Give the king Thy judgments, O God, and Thy righteousness unto the king's son;
Mar Solomon. Sidh ne ruoth adiera mari, yaye Nyasaye, sidh ne wuod ruoth timni makare.
2 That he may judge Thy people with righteousness, and Thy poor with justice.
Obiro ngʼado ne jou bura makare, obiro kelo adiera ne jou masandore.
3 Let the mountains bear peace to the people, and the hills, through righteousness.
Gode biro kelo mwandu ne ji, kendo thuche biro kelo olemb tim makare.
4 May he judge the poor of the people, and save the children of the needy, and crush the oppressor.
Obiro chwako joma odhier manie dier ji kendo obiro reso nyithind joma ochando; to thiro ji, to obiro tieko pep.
5 They shall fear Thee while the sun endureth, and so long as the moon, throughout all generations.
Obiro siko ka wangʼ chiengʼ, obiro siko ka dwe e tienge duto.
6 May he come down like rain upon the mown grass, as showers that water the earth.
Obiro chalo gi koth machwe e lum mongʼadi maber kendo gi kodh ajiki mamiyo piny ngʼich.
7 In his days let the righteous flourish, and abundance of peace, till the moon be no more.
E ndalone joma kare biro dhi maber, kendo kwe biro bedo mogundho nyaka chop dwe lal nono.
8 May he have dominion also from sea to sea, and from the River unto the ends of the earth.
Obiro bedo gi loch chakre nam nyaka nam kendo kochakore Aora maduongʼ nyaka kuma piny ogikie.
9 Let them that dwell in the wilderness bow before him; and his enemies lick the dust.
Ogendini modak e piny ongoro biro kulorene kendo wasike biro nangʼo lowo gi dhogi.
10 The kings of Tarshish and of the isles shall render tribute; the kings of Sheba and Seba shall offer gifts.
Ruodhi mag Tarshish kod mag dho nembe man maboyo biro miye gik moko, kendo ruodhi mag Sheba gi mag Seba biro kelone mich.
11 Yea, all kings shall prostrate themselves before him; all nations shall serve him.
Ruodhi duto biro kulorene kendo ogendini duto biro tiyone.
12 For he will deliver the needy when he crieth; the poor also, and him that hath no helper.
Nimar obiro konyo joma ochando maywagore, jogo modhier maonge gi jakony.
13 He will have pity on the poor and needy, and the souls of the needy he will save.
Obiro kecho joma ok nyal gi joma ochando kendo obiro reso ngima joma ochando.
14 He will redeem their soul from oppression and violence, and precious will their blood be in his sight;
Obiro gologi e dich modigigo kendo e timbe mahundu, nimar okwano rembgi ka gima nengone tek.
15 That they may live, and that he may give them of the gold of Sheba, that they may pray for him continually, yea, bless him all the day.
Mad odag amingʼa! Mad kelne dhahabu moa Sheba. Mad ji duto sik ka lamone kendo ka gwedhe odiechiengʼ duto.
16 May he be as a rich cornfield in the land upon the top of the mountains; may his fruit rustle like Lebanon; and may they blossom out of the city like grass of the earth.
Mad cham bed mangʼeny e piny duto, bende gikwak nyaka wi godo matindo duto. Mad olembene ol mathoth ka Lebanon, kendo mad onyagi ka lum manie pap.
17 May his name endure for ever; may his name be continued as long as the sun; may men also bless themselves by him; may all nations call him happy.
Mad nyinge sik nyaka chiengʼ kendo mad odhi nyime ka wangʼ chiengʼ. Ogendini duto ibiro gwedhi gi gweth moa kuomi kendo gibiro luongi ni ngʼat mogwedhi.
18 Blessed be the LORD God, the God of Israel, who only doeth wondrous things;
Jehova Nyasaye, ma Nyasach Israel, mondo oyud opak, en kende ema otimo gik miwuoro.
19 And blessed be His glorious name for ever; and let the whole earth be filled with His glory. Amen, and Amen.
Nyinge man-gi duongʼ mondo opaki nyaka chiengʼ kendo mad piny duto pongʼ gi duongʼne.
20 The prayers of David the son of Jesse are ended.
Ma e giko mag lamo mag Daudi Wuod Jesse.
