Zaburi 149

1 Pakuru Jehova Nyasaye! Werneuru Jehova Nyasaye wer manyien, kendo dendeuru e chokruok mar jomaler.

Hallelujah. Sing unto the Lord a new song, his praise in the congregation of the pious.

2 Jo-Israel mondo obed mamor gi jachwechgi; ee, jo-Sayun mondo obed mamor gi Ruodhgi.

Let Israel rejoice in his Maker: let the children of Zion exult in their King.

3 Onego gi pak nyinge gi miel kendo giwerne mamit ka gigoyo oyieke gi nyatiti.

Let them praise his name in the dance: with the timbrel and harp let them sing praises unto him.

4 Nimar chuny Jehova Nyasaye mor gi joge kendo osidho joma obolore gi warruok.

For the Lord taketh pleasure in his people; he will adorn the meek with salvation.

5 Jomaler mondo oil kamiye duongʼ kendo giwer gimor ka gibet e kitandagi.

Let the pious be joyful in glory: let them sing aloud upon their couches.

6 Onego pak mar Nyasaye obed e dhogi kendo gitingʼ ligangla ma dhoge ariyo e lwetgi,

The exalted praises of God are in their mouth, and a two-edged sword is in their hand;

7 mondo gichulgo kuor ni ogendini kendo gikum ogendini mamoko,

To execute vengeance on the nations, and chastisements on the people:

8 kendo gitwe ruodhigi gi nyoroche, kod jotendgi gi opingo mag chuma,

To bind their kings with chains, and their nobles with fetters of iron:

9 ka gichopo kum mane ondik kuomgi chon. Ma e duongʼ mar joge maler duto. Pakuru Jehova Nyasaye!

To execute upon them the judgment [which is] written: this is an honor for all his pious servants. Hallelujah.