Zaburi 114

1 Kane jo-Israel owuok Misri, ee, kane joka Jakobo owuok e kind joma wacho dhok mopogore,

בצאת ישראל ממצרים בית יעקב מעם לעז

2 Juda nodoko kama ler mar lemo mar Nyasaye, kendo Israel nobedo mwandune owuon.

היתה יהודה לקדשו ישראל ממשלותיו

3 Nam nonenogi mi oa gi ngʼwech, kendo Jordan ne odar oweyonigi piny,

הים ראה וינס הירדן יסב לאחור

4 gode nolengʼore ka imbe, to thuche to nochikore ka nyirombe.

ההרים רקדו כאילים גבעות כבני-צאן

5 Angʼo momiyo ne ia gi ngʼwech, yaye nam? Yaye Jordan, ne idar iweyonegi piny nangʼo?

מה-לך הים כי תנוס הירדן תסב לאחור

6 To un gode to ne ulengʼoru ka imbe nangʼo? Koso thuche to nochikore ka nyirombe nikech angʼo?

ההרים תרקדו כאילים גבעות כבני-צאן

7 Yaye piny, yiengni ka Ruoth Nyasaye ni machiegni kodi, yiengni e nyim Nyasach Jakobo,

מלפני אדון חולי ארץ מלפני אלוה יעקב

8 Nyasaye mane omiyo lwanda olokore pi mogudore, kendo mane omiyo lwanda matek olokore sokni mag pi.

ההפכי הצור אגם-מים חלמיש למעינו-מים