Zaburi 108
1 Wer. Zaburi mar Daudi. Chunya ochungʼ mongirore, yaye Nyasaye; abiro paki gi wer kendo abiro loso mamit gi chunya duto.
A Song. A Psalm by David. My heart is steadfast, God. I will sing and I will make music with my soul.
2 Chiewuru, un orutu gi nyatiti! Abiro chiewo kogwen.
Wake up, harp and lyre! I will wake up the dawn.
3 Abiro paki e dier ogendini, yaye Jehova Nyasaye, abiro werni e dier ogendini.
I will give thanks to you, LORD, amongst the nations. I will sing praises to you amongst the peoples.
4 Nikech herani maduongʼ chopo nyaka e polo; kendo adiera mari chopo nyaka ewi lwasi.
For your loving kindness is great above the heavens. Your faithfulness reaches to the skies.
5 Nyingi mondo otingʼ malo moyombo polo, yaye Nyasaye, mad duongʼ mari opongʼ piny duto.
Be exalted, God, above the heavens! Let your glory be over all the earth.
6 Reswa kendo konywa gi lweti ma korachwich, mondo joma ihero ogol e chandruok.
That your beloved may be delivered, save with your right hand, and answer us.
7 Nyasaye osewuoyo gie kare maler kowacho niya, “Abiro pogo Shekem ne ji, kendo abiro pimo ne ji Holo mar Sukoth.
God has spoken from his sanctuary: “In triumph, I will divide Shechem, and measure out the valley of Succoth.
8 Gilead en mara, Manase bende mara, Efraim en oguta mar lweny, to Juda en osimbona mar loch.
Gilead is mine. Manasseh is mine. Ephraim also is my helmet. Judah is my sceptre.
9 Moab en besen mara mar luok, to Edom e kama amoe wuochena; Filistia ema akoke ka aseloyo lweny.”
Moab is my wash pot. I will toss my sandal on Edom. I will shout over Philistia.”
10 En ngʼa mabiro kela e dala maduongʼ mochiel motegno? En ngʼa mabiro telona nyaka Edom?
Who will bring me into the fortified city? Who will lead me to Edom?
11 Donge in ema isedagiwa, yaye Nyasaye, kendo tinde ok idhi gi jolwenjwa e lweny?
Haven’t you rejected us, God? You don’t go out, God, with our armies.
12 Miwa kony mondo walo wasikwa, nikech kony mar dhano onge tich.
Give us help against the enemy, for the help of man is vain.
13 Wabiro loyo lweny ka Nyasaye nikodwa, kendo obiro nyono wasikwa piny.
Through God, we will do valiantly, for it is he who will tread down our enemies.
