Ayub 9
1 Eka ayub nodwoko kama:
Then Job answered and said:
2 “Ee, angʼeyo ni gima iwachono en adier. To ere kaka dhano mangima nyalo bedo kare e nyim Nyasaye?
Of a truth I know that it is so; and how can man be just with God?
3 Kata dabed ni ngʼato dwaro mino kode wach, to bende dhano diduok penjo achiel kuom penjoge alufu achiel.
If one should desire to contend with Him, he could not answer Him one of a thousand.
4 Riekone tut kendo tekre ngʼeny. En ngʼa mosepiem kode miloye?
He is wise in heart, and mighty in strength; who hath hardened himself against Him, and prospered?
5 Ogolo gode kuonde ma gintie ka ok gingʼeyo kendo ongʼielogi ka en gi mirima.
Who removeth the mountains, and they know it not, when He overturneth them in His anger.
6 Oyiengo piny gie mise mare kendo omiyo sirni mage yiengni.
Who shaketh the earth out of her place, and the pillars thereof tremble.
7 Kowuoyo to chiengʼ ok rieny kendo oumo ler mar sulwe.
Who commandeth the sun, and it riseth not; and sealeth up the stars.
8 En owuon ema noyaro polo kendo en ema nonyono apaka madongo mag nam.
Who alone stretcheth out the heavens, and treadeth upon the waves of the sea.
9 En ema nochweyo sulwe madongo kaka, yugni, oluoro-budho, ratego, kod sulwe mogudore mathoth man yo milambo.
Who maketh the Bear, Orion, and the Pleiades, and the chambers of the south.
10 Otimo gik madongo miwuoro mayombo pach dhano, honni mathoth ma ok kwanre.
Who doeth great things past finding out; yea, marvellous things without number.
11 Ka okadho buta to ok anyal nene; ka odhi nyima to ok anyal yange.
Lo, He goeth by me, and I see Him not. He passeth on also, but I perceive Him not.
12 Kokawo gimoro odhigo; to en ngʼa manyalo tame? En ngʼa manyalo penje ni, ‘Ma to angʼo ma itimoni?’
Behold, He snatcheth away, who can hinder Him? Who will say unto Him: 'What doest Thou?'
13 Nyasaye ok gengʼ mirimbe kendo nyaka jolwenj Rahab bende noloyo mopodho e tiende.
God will not withdraw His anger; the helpers of Rahab did stoop under Him.
14 “Ere kuma dayudie weche ma dawachne? Koro ere kaka damin kode wach?
How much less shall I answer Him, and choose out my arguments with Him?
15 Kata dabed ni aonge richo kata achiel, to ok dadwoke; anyalo mana ywagora ne jangʼadna bura mondo okecha.
Whom, though I were righteous, yet would I not answer; I would make supplication to Him that contendeth with me.
16 Kata dabed ni aluonge mi obiro ira, to ok ayie ni onyalo winjo wachna.
If I had called, and He had answered me; yet would I not believe that He would hearken unto my voice —
17 Mirimb Nyasaye nyalo tieka kendo onyalo miyo adhondena medore kayiem nono.
He that would break me with a tempest, and multiply my wounds without cause;
18 Ok onyal weya aywe to otimona mana gik mamiyo chunya bedo malit.
That would not suffer me to take my breath, but fill me with bitterness.
19 Kaponi teko ema iwuoyoe, to otek ndi, kendo kata ka adiera ema ilose, to en ngʼa manyalo chune mondo obi onyis wach kuome.
If it be a matter of strength, lo, He is mighty! and if of justice, who will appoint me a time?
20 Kata dabed ni aonge richo kata achiel, to dhoga pod biro mana ndhoga. Kata dabed ni aonge rach moro amora, to dhoga pod biro miyo inena kaka jaketho.
Though I be righteous, mine own mouth shall condemn me; though I be innocent, He shall prove me perverse.
21 “Kata dabed ni aonge gi ketho moro amora, to onge ber maneno, nikech ngimana en kayiem nono.
I am innocent — I regard not myself, I despise my life.
22 Ma emomiyo aneno ni gik moko duto chalre nikech okumo joma onge ketho kod joma timbegi richo machalre.
It is all one — therefore I say: He destroyeth the innocent and the wicked.
23 Ka masira oneko apoya, to pek ma ngʼat makare oyudo ok obadhe.
If the scourge slay suddenly, He will mock at the calamity of the guiltless.
24 Nyasaye oseketo piny e lwet joma timbegi richo, bende omiyo jongʼad bura duto bedo muofni. To ka ok en ema notimo kamano, to ngʼatno mane otimo mano?
The earth is given into the hand of the wicked; he covereth the faces of the judges thereof; if it be not He, who then is it?
25 “Ndalona ringo mapiyo moloyo jangʼwech; girumo piyo ka gionge mor kata matin.
Now my days are swifter than a runner; they flee away, they see no good.
26 Gikadho piyo mana ka yiedhi molos gi oundho maringo e nam, kendo ka ongoe mafuyo e kor polo karango piny mondo omak nyagweno.
They are passed away as the swift ships; as the vulture that swoopeth on the prey.
27 Ka anyalo wacho ni wiya owil gi gik maricho ma Nyasaye osetimona, to abiro loko pacha mi abed mamor.
If I say: 'I will forget my complaint, I will put off my sad countenance, and be of good cheer',
28 Kata kamano, pod aluoro aluora masira momaka nikech angʼeyo ni Nyasaye ok nyal kwana ka ngʼat maonge ketho.
I am afraid of all my pains, I know that Thou wilt not hold me guiltless.
29 Kaka koro osekawa ni an jaketho, angʼo ma dimi pod anyagra nono?
I shall be condemned; why then do I labour in vain?
30 Kata dine aluokra gi sabun mi aluok lwetena maler,
If I wash myself with snow water, and make my hands never so clean;
31 to pod ibiro luta mana e chwodho mi nyaka lepa bende biro jok koda.
Yet wilt Thou plunge me in the ditch, and mine own clothes shall abhor me.
32 “Nyasaye ok en dhano kaka an ma dahedhra dwokora kode, kata madimi wayal kode e od bura.
For He is not a man, as I am, that I should answer Him, that we should come together in judgment.
33 Ka dine bed ni nitie ngʼato manyalo bedo jathek e kinda gi Nyasaye, kata ngʼato manyalo ngʼado bura e kinda kode,
There is no arbiter betwixt us, that might lay his hand upon us both.
34 kata ngʼat manyalo golo kum mare kuoma, mondo omi masichene kik bwoga,
Let Him take His rod away from me, and let not His terror make me afraid;
35 eka dine awuoyo ka ok aluore, to kaka weche chal sani, ok anyal timo kamano.”
Then would I speak, and not fear Him; for I am not so with myself.
