民數記 13
1 耶和華曉諭摩西說：
Ket nagsao ni Yahweh Kenni Moises. Kinunana,
2 「你打發人去窺探我所賜給以色列人的迦南地，他們每支派中要打發一個人，都要作首領的。」
“Mangibaonka kadagiti lallaki a mangsukimat iti daga ti Canaan, nga intedko kadagiti tattao ti Israel. Mangibaonka iti maysa tao manipud iti tunggal tribu dagiti kapuonanda. Masapul a ti tunggal lalaki ket panguloen iti tribuna.”
3 摩西就照耶和華的吩咐從巴蘭的曠野打發他們去；他們都是以色列人的族長。
Imbaon ida ni Moises manipud iti let-ang ti Paran, tapno agtulnogda iti bilin ni Yahweh. Aminda ket panguloen dagiti tattao ti Israel.
4 他們的名字：屬呂便支派的有撒刻的兒子沙母亞。
Dagitoy dagiti naganda: manipud iti tribu ni Ruben, ni Sammua nga anak a lalaki ni Zakkur.
5 屬西緬支派的有何利的兒子沙法。
Manipud iti tribu ni Simeon, ni Safat nga anak a lalaki ni Hori.
6 屬猶大支派的有耶孚尼的兒子迦勒。
Manipud iti tribu ni Juda, ni Caleb nga anak a lalaki ni Jefone.
7 屬以薩迦支派的有約色的兒子以迦。
Manipud iti tribu ni Issacar, ni Igal nga anak a lalaki ni Jose.
8 屬以法蓮支派的有嫩的兒子何希阿。
Manipud iti tribu ni Efraim, ni Oseas nga anak a lalaki ni Nun.
9 屬便雅憫支派的有拉孚的兒子帕提。
Manipud iti tribu ni Benjamin, ni Palti nga anak a lalaki ni Rafu.
10 屬西布倫支派的有梭底的兒子迦疊。
Manipud iti tribu ni Zabulon, ni Gaddiel nga anak a lalaki ni Sodi.
11 約瑟的子孫，屬瑪拿西支派的有穌西的兒子迦底。
Manipud kadagiti kaputotan ni Jose, dagiti naganda, manipud iti tribu ni Manases, ni Gaddi nga anak a lalaki ni Susi.
12 屬但支派的有基瑪利的兒子亞米利。
Manipud iti tribu ni Dan, ni Ammiel nga anak a lalaki ni Gemalli.
13 屬亞設支派的有米迦勒的兒子西帖。
Manipud iti tribu ni Aser, ni Setur nga anak a lalaki ni Micael.
14 屬拿弗他利支派的有縛西的兒子拿比。
Manipud iti tribu ni Neftali, ni Nabi nga anak a lalaki ni Vopsi.
15 屬迦得支派的有瑪基的兒子臼利。
Manipud iti tribu ni Gad, ni Geuel nga anak a lalaki ni Maki.
16 這就是摩西所打發、窺探那地之人的名字。摩西就稱嫩的兒子何希阿為約書亞。
Dagitoy dagiti nagan dagiti lallaki nga imbaon ni Moises a mangsukimat iti daga. Inawagan ni Moises iti Josue ni Oseas nga anak a lalaki ni Nun.
17 摩西打發他們去窺探迦南地，說：「你們從南地上山地去，
Imbaon ida ni Moises a mangsukimat iti daga ti Canaan. Kinunana kadakuada, “Magnakayo manipud Negeb ken sumang-atkayo iti katurturodan a pagilian.
18 看那地如何，其中所住的民是強是弱，是多是少，
Sukimatenyo ti daga tapno makitayo ti langana. Paliiwenyo dagiti tattao nga agnanaed sadiay, no napigsa wenno nakapuyda, ken no bassit wenno aduda.
19 所住之地是好是歹，所住之處是營盤是堅城。
Kitaenyo ti langa ti daga a pagnanaedanda. Nasayaat kadi daytoy wenno saan? Ania dagiti siudad sadiay? Kasla da kadi kampo, wenno nabilegda kadi a siudad?
20 又看那地土是肥美是瘠薄，其中有樹木沒有。你們要放開膽量，把那地的果子帶些來。」（那時正是葡萄初熟的時候。）
Kitaenyo no ti langa ti daga, no nasayaat daytoy a pagtuboan dagiti mula wenno saan, ken no adda kaykayo idiay wenno awan. Tumuredkayo ket mangalakayo kadagiti bunga ti mula ti daga.” Ita ti tiempo iti umuna a bunga dagiti panagluom dagiti ubas.
21 他們上去窺探那地，從尋的曠野到利合，直到哈馬口。
Napan ngarud dagiti lallaki ket sinukimatda ti daga manipud iti let-ang ti Sin agingga iti Rehob, iti asideg ti Lebo Hamat.
22 他們從南地上去，到了希伯崙；在那裏有亞衲族人亞希幔、示篩、撻買。（原來希伯崙城被建造比埃及的鎖安城早七年。）
Simmang-atda manipud Negeb ket nakadanonda idiay Hebron. Adda sadiay da Ahiman, Sesai ken Talmai dagiti puli a nagtaud kenni Anak. Ita, naipatakder ti Hebron iti las-ud ti pito a tawen sakbay iti Zoan idiay Egipto.
23 他們到了以實各谷，從那裏砍了葡萄樹的一枝，上頭有一掛葡萄，兩個人用槓抬着，又帶了些石榴和無花果來。（
Idi nakadanonda idiay tanap ti Escol, nangputedda iti sanga nga addaan iti raay dagiti ubas. Iniyassiwda daytoy iti sarukod iti nagbaetan dagiti dua a tao iti bunggoyda. Nangalada pay kadagiti granada ken igos.
24 因為以色列人從那裏砍來的那掛葡萄，所以那地方叫做以實各谷。）
Napanaganan dayta a lugar iti tanap ti Escol, gapu kadagiti raay ti ubas a pinuted sadiay dagiti tattao ti Israel.
25 過了四十天，他們窺探那地才回來，
Kalpasan iti uppat a pulo nga aldaw, nagsublida manipud iti panangsukimat iti daga.
26 到了巴蘭曠野的加低斯，見摩西、亞倫，並以色列的全會眾，回報摩西、亞倫，並全會眾，又把那地的果子給他們看；
Nagsublida kada Moises, Aaron, ken kadagiti amin a tattao ti Israel nga adda iti let-ang ti Paran, idiay Kades. Nangipadamagda kadakuada ken iti amin a tattao iti bunggoy ti Israel, ken impakitada kadakuada dagiti bunga manipud iti daga.
27 又告訴摩西說：「我們到了你所打發我們去的那地，果然是流奶與蜜之地；這就是那地的果子。
Kinunada kenni Moises, “Nadanonmi ti daga a nangibaonam kadakami. Pudno unay nga agay-ayus daytoy iti gatas ken diro. Adtoy ti sumagmamano a bunga manipud iti lugar.
28 然而住那地的民強壯，城邑也堅固寬大，並且我們在那裏看見了亞衲族的人。
Nupay kasta, napipigsa dagiti tattao nga agar-aramid kadagiti balayda idiay. Nabakudan ken nalawa unay dagiti siudad. Nakitami pay sadiay dagiti kaputotan ni Anak.
29 亞瑪力人住在南地；赫人、耶布斯人、亞摩利人住在山地；迦南人住在海邊並約旦河旁。」
Agnanaed dagiti Amalekita idiay Negeb. Adda dagiti pagtaengan dagiti Heteo, Jebuseo, ken Amoreo iti katurturodan. Agnanaed dagiti Cananeo iti igid ti baybay ken iti igid ti karayan Jordan.”
30 迦勒在摩西面前安撫百姓，說：「我們立刻上去得那地吧！我們足能得勝。」
Kalpasanna, pinadas nga allukoyen ni Caleb dagiti tattao a naummong iti aglawlaw ni Moises. Kinunana, “Darrupentayo a maminpinsan ket alaentayo daytoy, gapu ta kabaelantayo unay a parmeken daytoy.”
31 但那些和他同去的人說：「我們不能上去攻擊那民，因為他們比我們強壯。」
Ngem kinuna dagiti dadduma a lallaki a napan a kaduana, “Saantayo kabaelan a darupen dagiti tattao gapu ta napigpigsada ngem datayo.”
32 探子中有人論到所窺探之地，向以色列人報惡信，說：「我們所窺探、經過之地是吞吃居民之地，我們在那裏所看見的人民都身量高大。
Isu nga inwarasda ti makapaupay a damag kadagiti tattao ti Israel maipanggep iti daga a sinukimatda. Kinunada, “Ti daga a pinaliiwmi ket daga a mangmangan kadagiti agnanaed iti daytoy. Nagtatayag dagiti amin a tattao a nakitami sadiay.
33 我們在那裏看見亞衲族人，就是偉人；他們是偉人的後裔。據我們看，自己就如蚱蜢一樣；據他們看，我們也是如此。」
Nakakitakami sadiay kadagiti higante, dagiti kaputotan ni Anak a nagtaud kadagiti higante. Iti panangkitami kasla kami la dudon a maiasping kadakuada, ken kastoykami met iti imatangda.”
