約書亞記 18
1 以色列的全會眾都聚集在示羅，把會幕設立在那裏，那地已經被他們制伏了。
Afei a asase no abɛdi Israelfoɔ nsam no, Israelfoɔ nyinaa boaa wɔn ho ano wɔ Silo na wɔsii hyiadan.
2 以色列人中其餘的七個支派還沒有分給他們地業。
Nanso, na aka mmusuakuo nson a wɔmfaa wɔn kyɛfa no mmaa wɔn.
3 約書亞對以色列人說：「耶和華－你們列祖的上帝所賜給你們的地，你們耽延不去得，要到幾時呢？
Enti, Yosua bisaa wɔn sɛ, “Moretwɛn akɔsi da bɛn ansa na moafa asase no nkaeɛ a Awurade, mo agyanom Onyankopɔn de ama mo no?
4 你們每支派當選舉三個人，我要打發他們去，他們就要起身走遍那地，按着各支派應得的地業寫明，就回到我這裏來。
Monyi nnipa baasa mfiri abusuakuo biara mu na mɛsoma wɔn ama wɔakɔsra baabi a wɔnnii hɔ soɔ no. Wɔsane ba a, wɔbɛtwerɛ deɛ wɔhunuiɛ agu krataa so akyerɛ me sɛdeɛ wɔbɛkyekyɛ agyapadeɛ no.
5 他們要將地分做七分；猶大仍在南方，住在他的境內。約瑟家仍在北方，住在他的境內。
Akwansrafoɔ no bɛkyekyɛ asase no mu nson, na wɔremfa Yuda asase a ɛda anafoɔ fam ne Yosef asase a ɛwɔ atifi fam no nka ho.
6 你們要將地分做七分，寫明了拿到我這裏來。我要在耶和華－我們上帝面前，為你們拈鬮。
Afei, mɛbɔ ntonto a ɛho te wɔ Awurade, yɛn Onyankopɔn anim, apɛ baabi a wɔde bɛma abusuakuo biara.
7 利未人在你們中間沒有分，因為供耶和華祭司的職任就是他們的產業。迦得支派、呂便支派，和瑪拿西半支派已經在約旦河東得了地業，就是耶和華僕人摩西所給他們的。」
Nanso, Lewifoɔ no rennya asase biara. Wɔn dwumadie sɛ Awurade asɔfoɔ no bɛyɛ wɔn agyapadeɛ. Na Gad ne Ruben mmusuakuo ne Manase abusuakuo fa no nso renya asase no bi bio, ɛfiri sɛ, wɔanya wɔn agyapadeɛ a Mose a ɔyɛ Awurade ɔsomfoɔ de maa wɔn wɔ Asubɔnten Yordan apueeɛ fam no dada.”
8 劃地勢的人起身去的時候，約書亞囑咐他們說：「你們去走遍那地，劃明地勢，就回到我這裏來。我要在示羅這裏，耶和華面前，為你們拈鬮。」
Mmarima a wɔrekɔsusu asase no rebɛkɔ no, Yosua hyɛɛ wɔn sɛ, “Monkɔkyekyɛ asase no, na monsane mfa deɛ mohunuiɛ ho nsɛm a moatwerɛ agu krataa so mmrɛ me, na menam ntontobɔ kronkron a wɔbɛbɔ no Awurade anim wɔ Silo no so de asase no bɛma mmusuakuo no.”
9 他們就去了，走遍那地，按着城邑分做七分，寫在冊子上，回到示羅營中見約書亞。
Mmarima no yɛɛ sɛdeɛ wɔhyɛɛ wɔn no, kyekyɛɛ asase no nyinaa mu nson, twerɛɛ nkuro a ɛwɔ asase no nkyekyɛmu biara so. Wɔsane kɔɔ Yosua nkyɛn wɔ Silo atenaeɛ hɔ.
10 約書亞就在示羅，耶和華面前，為他們拈鬮。約書亞在那裏，按着以色列人的支派，將地分給他們。
Silo hɔ na Yosua bɔɔ ntonto kronkron wɔ Awurade anim de pɛɛ asaseta a ɛsɛ sɛ abusuakuo biara fa.
11 便雅憫支派，按着宗族拈鬮所得之地，是在猶大、約瑟子孫中間。
Asase no nkyekyɛmu a ɛdi ɛkan no kɔɔ mmusua a ɛwɔ Benyamin abusuakuo no nsam. Na ɛda nsase a wɔde maa Yuda ne Yosef mmusuakuo no.
12 他們的北界是從約旦河起，往上貼近耶利哥的北邊；又往西通過山地，直到伯‧亞文的曠野；
Atifi fam ɛhyeɛ no firi Asubɔnten Yordan kɔ Yeriko nsianeɛ no atifi, na afei, afa bepɔ mantam ne Bet-Awen ɛserɛ so akɔ atɔeɛ fam.
13 從那裏往南接連到路斯，貼近路斯（路斯就是伯特利），又下到亞他綠‧亞達，靠近下伯‧和崙南邊的山；
Ɛhyeɛ no firi hɔ kɔ Lus (a ɛyɛ Bet-El) wɔ anafoɔ fam, na ɛtoa so kɔ Atarot-Adar ne bepɔ atifi a ɛwɔ Bet-Horon Anafoɔ wɔ anafoɔ fam.
14 從那裏往西，又轉向南，從伯‧和崙南對面的山，直達到猶大人的城基列‧巴力（基列‧巴力就是基列‧耶琳）；這是西界。
Afei ɛhyeɛ no fa anafoɔ fam, nam bepɔ a anim hwɛ Bet-Horon wɔ atɔeɛ fam no ntentenesoɔ, kɔsi Kiriat-Baal akuraa (a ɛyɛ Kiriat-Yearim), Yuda abusuakuo no nkuro no mu baako. Yei ne atɔeɛ fam ɛhyeɛ.
15 南界是從基列‧耶琳的儘邊起，往西達到尼弗多亞的水源；
Anafoɔ fam ɛhyeɛ no, firi Kiriat-Yearim mfikyire. Ɛfiri hɔ fa atɔeɛ fam kɔ Neftoa nsuwansuwa asutire ho,
16 又下到欣嫩子谷對面山的儘邊，就是利乏音谷北邊的山；又下到欣嫩谷，貼近耶布斯的南邊；又下到隱‧羅結；
na ɛsiane akɔ bepɔ a ɛwɔ Hinom bɔnhwa a ɛwɔ Refaim bɔnhwa no atifi fam no ase. Ɛtoa so kɔ Hinom wɔ anafoɔ fam, na atwam wɔ nsianeɛ a na Yebusifoɔ teɛ no anafoɔ fam na akɔduru En-Rogel.
17 又往北通到隱‧示麥，達到亞都冥坡對面的基利綠；又下到呂便之子波罕的磐石；
Ɛhyeɛ no firi En-Rogel a ɛkɔ atifi fam, kɔsi En-Semes na atoa so akɔpem Gelilot a ɛne Adumim di nhwɛanimu na afei ɛsiane akɔ Bohan boɔ ho (Na Bohan yɛ Ruben babarima).
18 又接連到亞拉巴對面，往北下到亞拉巴；
Ɛtoa so fa nsianeɛ a ɛhwɛ Yordan Bɔnhwa no atifi fam. Afei ɛhyeɛ no kɔ bɔnhwa no mu,
19 又接連到伯‧曷拉的北邊，直通到鹽海的北汊，就是約旦河的南頭；這是南界。
ɛkɔfa Bet-Hogla nsianeɛ no atifi fam na akɔpem Nkyene Ɛpo no atifi faka ano a ɛyɛ Asubɔnten Yordan anafoɔ fam abɔeɛ.
20 東界是約旦河。這是便雅憫人按着宗族，照他們四圍的交界所得的地業。
Apueeɛ fam ɛhyeɛ no yɛ Asubɔnten Yordan. Yei ne agyapadeɛ a wɔde maa mmusua a wɔbɔ mu yɛ Benyamin abusuakuo no.
21 便雅憫支派按着宗族所得的城邑就是：耶利哥、伯‧曷拉、伊麥‧基悉、
Nkuro a wɔde maa mmusua a wɔbɔ mu yɛ Benyamin abusuakuo na ɛdidi soɔ yi: Yeriko, Bet-Hogla ne Emek-Kesis,
22 伯‧亞拉巴、洗瑪臉、伯特利、
Bet-Araba, Semaraim ne Bet-El,
23 亞文、巴拉、俄弗拉、
Awim, Para ne Ofra,
24 基法‧阿摩尼、俄弗尼、迦巴，共十二座城，還有屬城的村莊；
Kefar-Amonai, Ofni ne Geba, nkuro dumienu ne wɔn nkuraaseɛ.
25 又有基遍、拉瑪、比錄、
Gibeon, Rama ne Beerot,
26 米斯巴、基非拉、摩撒、
Mispa, Kefira ne Mosa,
27 利堅、伊利毗勒、他拉拉、
Rekem, Yirpeel ne Tarala,
28 洗拉、以利弗、耶布斯（耶布斯就是耶路撒冷）、基比亞、基列，共十四座城，還有屬城的村莊。這是便雅憫人按着宗族所得的地業。
Sela, Ha-Elef ne Yebusifoɔ kuropɔn (a ɛyɛ Yerusalem), Gibea ne Kiriat-Yearim, nkuro dunan ne wɔn nkuraaseɛ. Yei ne agyapadeɛ a wɔde maa mmusua a wɔbɔ mu yɛ Benyamin abusuakuo no.
