列王紀下 17
1 猷大王阿哈次十二年，厄拉的兒子曷舍亞在撒瑪黎雅登極為以色列王，在位凡九年。
Iti maika-sangapulo ket dua a tawen a panagturay ni Ahaz nga ari ti Juda, nangrugi met ti panagturay ni Oseas nga anak ni Ela. Nagturay isuna idiay Samaria iti entero nga Israel iti siam a tawen.
2 他行了上主視為惡的事，但不像他以前的以色列列王。
Inaramidna ti dakes iti imatang ni Yahweh, ngem saan a kas kadagiti inaramid dagiti ar-ari ti Israel nga immun-una kenkuana.
3 亞述王沙耳瑪乃色上來攻打曷舍亞，他便向亞述王稱臣納貢。
Rinaut isuna ni Salmaneser nga ari ti Asiria, ket nagbalin ni Oseas nga adipenna ken nagbayad kenkuana ti buis.
4 後來亞述王發覺曷舍亞企圖造反。原來曷舍亞曾派使者去見埃及王索阿，就不再向亞述王每年納貢，所以亞述王將他拘捕，囚在監裡。
Kalpasanna, naammoan ti ari ti Asiria nga agpangpanggep ni Oseas ti dakes a maibusor kenkuana, ta nangibaon ni Oseas kadagiti mensahero kenni So nga ari ti Egipto; kasta met a, saanen isuna a nagbayad iti buis iti ari ti Asiria, a kas iti inar-aramidna iti tinawen. Isu a tiniliw isuna ti ari ti Asiria ket imbaludna iti pagbaludan.
5 隨後，亞述王進軍侵入全國，直逼撒瑪黎雅，圍攻了三年。
Rinaut ti ari ti Asiria ti entero a daga, ken rinautda ti Samaria ket linawlawda daytoy iti tallo a tawen.
6 曷舍亞九年，亞述王攻陷了撒瑪黎雅，把以色列人擄往亞述，把他們安置在哈拉黑和靠近哥倉河的哈波爾，以及瑪待各城。
Iti maika-siam a tawen a panagturay ni Oseas, inagaw ti ari ti Asiria ti Samaria ket impanawda ti Israel nga impan idiay Asiria. Pinagnaedda ida idiay Hala, iti Karayan Habor ti Gozan, ken kadagiti siudad ti Media.
7 這是因為以色列子民犯罪，得罪了領他們離開埃及地，擺脫埃及王法郎之手的上主，他們的天主，而去敬拜了別的神，
Napasamak daytoy a pannakatiliw gapu ta nagbasol dagiti tattao ti Israel kenni Yahweh a Diosda, a nangirruar kadakuada manipud iti daga ti Egipto, manipud iti bileg ti Faraon nga ari ti Egipto. Nagdaydayaw dagiti tattao kadagiti dadduma a dios
8 隨從了上主由以色列子民面前，所驅逐的異民的習俗，和以色列列王所規定的律例。
ken nagnagnada kadagiti sursuro dagiti nasion a pinapanaw idi ni Yahweh sakbay kadagiti tattao ti Israel, ken kadagiti sursuro dagiti ar-ari ti Israel nga inaramidda.
9 以色列子民作了不義的事，得罪了上主他們的天主：在他們所有的城中，從守望台直到設防的城，到處建有高丘；
Sililimed nga inaramid dagiti tattao ti Israel dagiti saan a rumbeng a banbanag a maibusor kenni Yahweh a Diosda. Nagipatakderda kadagiti disso a pagdaydayawan kadagiti amin a siudadda, manipud kadagiti tore dagiti agbanbantay agingga iti natalged a siudad.
10 在各高崗上，在所有的綠樹下，豎有石柱和木偶；
Nangipatakderda pay kadagiti nasagradoan nga adigi a bato ken kadagiti imahen ni Asera iti tunggal nangato a turod ken iti sirok iti tunggal narukbos a kayo.
11 在高丘上，依照上主從他們面前所驅逐的異民的習俗，焚香獻祭，作惡激怒上主；
Sadiay, nagpuorda kadagiti insenso kadagiti amin a disso a pagdaydayawan, a kas iti inar-aramid dagiti nasion, dagidiay pinapanaw ni Yahweh sakbay kadakuada. Nagaramid dagiti Israelita kadagiti dinadangkes a banbanag a nangpapungtot kenni Yahweh;
12 又敬拜偶像，雖然天主曾明明吩咐他們說：你們不可行這樣的事!
nagrukbabda kadagiti didiosen, maipapan ti kinuna ni Yahweh kadakuada, “Saanyo nga aramiden daytoy a banag.”
13 上主曾藉眾先知和先見者警告以色列和猶大說：「你們應離棄你們的邪道，按照我給你們祖先所規定的，藉我的僕人，眾先知給你們傳授的一切法律，遵守我的誡命和我的法令。」
No pay kasta, impaduyakyak ni Yahweh iti Israel ken iti Juda babaen iti tunggal propeta ken tunggal agwanwanawan a kinunana, “Tallikudanyo dagiti dakes a wagasyo ket tungpalenyo dagiti bilbilinko ken alagadek, ket agannadkayo iti panangtungpalyo kadagiti amin a linteg nga imbilinko kadagiti ammayo, nga impatulodko kadakayo babaen kadagiti adipenko a propeta.”
14 他們卻不聽從，如同他們的祖先一樣執拗，不肯相信上主他們的天主，
Ngem saanda a dimngeg; ngem ketdi, nasukirda unay a kas kadagiti ammada a saan a nagtalek kenni Yahweh a Diosda.
15 拒絕了上主的法律和他與他們祖先所訂立的盟約，以及對他們所發出的警告；隨從他們四周上主曾命令他們不可效法的異民，追求虛無，自己成為虛無；
Linaksidda dagiti alagadenna ken ti tulag nga inaramidna kadagiti kapuonanda, ken ti pammaneknekna iti tulagna nga intedna kadakuada. Tinuladda dagiti awan kaes-eskanna a sursuro ket nagbalinda nga awan kaes-ekanna. Sinurotda dagiti pagano a nasion nga adda iti aglawlawda, dagidiay imbilin ni Yahweh kadakuada a saanda a tultuladen.
16 拋棄了上主他們天主的一切命令，為自己鑄造神像，即兩個牛犢，製造木偶，敬拜天上萬象，事奉巴耳，
Saanda nga ingkaskaso dagiti amin a bilbilin ni Yahweh a Diosda. Nangsukogda kadagiti landok nga imahen ti dua a baka a pagrukbabanda. Nangaramidda ti imahen ni Asera, ken nagrukbabda kadagiti amin a bituen dagiti langlangit ken ni Baal.
17 使兒女經火獻神，行占卜和法術，出賣自己，行上主視為惡的事，激怒上主；
Inddatonda dagiti annakda a lallaki ken babbai a kas daton a mapuoran, nagpadtoda ken nag-orasionda, inlakoda dagiti bagbagida tapno agaramidda iti dakes iti imatang ni Yahweh, ket pinagpungtotda isuna.
18 因此，上主對以色列大發憤怒，將他們從自己面前趕走，只留下了猶大支派。
Ngarud, nakapungtot iti kasta unay ni Yahweh iti Israel ket inikkatna ida iti imatangna. Awan ti uray maysa a nabati ngem ti tribu laeng iti Juda.
19 但是，猶大也沒有遵守上主，他們天主的命令，反而也隨從了以色列所行的習俗。
Uray pay ti Juda ket saanda a tinungpal dagiti bilbilin ni Yahweh a Diosda, ngem ketdi, sinursurotda dagiti ar-aramiden dagiti pagano a sursuro a sursuroten idi ti Israel.
20 為此，上主拋棄了以色列所有的後裔，使他們受壓迫，任人宰割，終於將他們從自己面前趕走。
Isu a linaksid ni Yahweh dagiti amin a kaputotan ti Israel; pinagrigatna ida ket impaimana ida kadagiti nangagaw kadagiti sanikuada, agingga a pinukawna ida iti imatangna.
21 的確，自從上主使以色列與達味家分裂以後，以色列便立了乃巴特的兒子雅洛貝罕為王；雅洛貝罕即引以色列遠離了上主，使他們陷於重罪。
Inikkatna ti Israel manipud iti panagturay a puli ni David, ket pinagbalinda nga ari ni Jeroboam nga anak ni Nebat. Ni Jeroboam ti nangiyadayo ti Israel manipud iti panangsurotda kenni Yahweh ken nangisungsong kadakuada nga agaramid iti nadagsen a basol.
22 以色列子民遂追隨雅洛貝罕所犯的一切罪惡，始終沒有離開，
Sinurot dagiti tattao ti Israel dagiti amin a basol ni Jeroboam ket saanda a simmina manipud kadagitoy,
23 直到上主將以色列從自己面前趕走，正如上主藉自己的僕人眾先知所說的話。因此，以色列由本國被擄往亞述，直到今日。
isu nga inikkat ida ni Yahweh ti Israel manipud iti imatangna, kas kinunana nga aramidenna babaen kadagiti amin nga adipenna a propeta. Isu a napapanaw ti Israel manipud iti bukodda a daga ket naipanda idiay Asiria, ket agingga iti agdama nga aldaw, addada pay laeng sadiay.
24 亞術王從巴比倫、雇特、阿瓦、哈瑪特和色法瓦因徙置一些人民，住在撒瑪黎雅各城，以代替以色列人；這些人佔據了撒瑪黎雅，就住在各城內。
Nangipan ti ari ti Asiria kadagiti tattao manipud ti Babilonia, Cut, Avva, Hamat ken Sefarvaim ket pinagnaedna ida kadagiti siudad ti Samaria a kasukat dagiti tattao ti Israel. Tinagikuada ti Samaria ket nagnaedda kadagiti siudad daytoy.
25 他們起初住在那裡的時候，因為不敬畏上主，所以上主打發獅子來，咬死了他們一些人。
Napasamak daytoy iti rugi ti panagnaedda sadiay a saanda a dinayaw ni Yahweh. Isu a nangibaon ni Yahweh kadagiti leon a nangpapatay iti sumagmamano kadakuada.
26 有人報告亞述王說：「你在撒瑪黎雅各城徙置的人民，不知敬拜土神的禮儀，因此那神打發獅子來咬死了他們一些人，因為他們不知敬拜土神的禮儀。」
Isu a nakisaritada iti ari ti Asiria ket kinunada, “Saan nga ammo dagiti nasion nga impanawmo kalpasanna inkabilmo kadagiti siudad ti Samaria, dagiti sursuro a masapul ti dios iti daytoy a daga. Isu a nangibaon kadagiti leon kadakuada, ket kitaem, pappapatayen dagiti leon dagiti tattao sadiay gapu ta saanda nga ammo dagiti sursuro a masapul ti dios iti daytoy a daga.”
27 亞述王於是下令說：「你們叫一個從撒瑪黎雅擄來的司祭回去，住在那裡，教給他們敬拜土神的禮儀。」
Imbilin ti ari ti Asiria ket kinunana, “Mangalakayo iti maysa kadagiti papadi nga innalayo sadiay, ket ibaonyo ket pagnaedenyo isuna sadiay, ket ipaisuroyo kenkuana kadakuada dagiti sursuro a masapul ti dios iti daytoy a daga.”
28 於是，有一個從撒瑪黎雅擄去的司祭回來，住在貝特耳，教給他們該怎麼敬拜雅威。
Isu a napan ti maysa kadagiti papadi a naitalaw manipud idiay Samaria ket nagnaed idiay Betel; insurona kadakuada no kasano ti rumbeng a panagdayawda kenni Yahweh.
29 雖然如此，各個民族仍然製造自己的神，供在撒瑪黎雅人所建築的高丘上的廟宇中；各個民族在自己所住的城內，供著自己的神。
Nagaramid ti tunggal bunggoy ti tribu kadagiti diosda, ket inkabilda ida kadagiti disso a pagdaydayawan nga inaramid dagiti Samaritano - iti tunggal bunggoy ti tribu kadagiti siudad a nagnaedanda.
30 巴比倫人製造了穌苛特貝諾特，雇特人製造了乃爾加耳，哈瑪特人製造了阿史瑪，
Inaramid dagiti tattao ti Babilonia ti Succot Benot; inaramid dagiti tattao ti Cut ti Nergal, inaramid dagiti tattao ti Hamat ti Asima;
31 阿瓦人製造了尼貝哈次和塔爾塔克，色法瓦因人使兒女經火，獻於色法瓦因的神阿德辣默肋客和阿納默肋客；
inaramid dagiti Awita ti Nibhaz ken Tartak; ken pinuoran dagiti Sefarvita dagiti annakda kas datonda kada Adramelek ken Anamelek, dagiti dios dagiti Sefravita.
32 同時他們也敬拜上主，從自己中間選派一些人作高丘上的司祭，在高丘上的廟宇內自己獻祭。
Dinayawda met ni Yahweh, ket nangdutokda manipud kadakuada kadagiti papadi kadagiti nangato a disso, a nagidaton para kadakuada kadagiti disso a pagdaydayawan kadagiti templo.
33 這樣，他們也敬拜上主，也奉事自己的神，從那一國徙置而來的，就照那一國的禮儀。
Dinayawda ni Yahweh ken nagrukbabda pay kadagiti diosda, kadagiti kaugalian dagiti nasion manipud kadagiti nakaipanawanda.
34 直到今日，他們仍然依照先前的禮儀而行。雅各伯──上主給他改名為以色列──的子孫，也不全心敬畏上主，也不按照上主給他們所立的條例、禮儀、法律和誡命而行。
Agingga kadagitoy nga al-aldaw, itultuloyda pay laeng dagiti kadaanan a kaugalianda. Saanda a daydayawen ni Yahweh, wenno tungtungpalen dagiti pagalagadan, paglintegan, ti linteg, wenno dagiti bilbilin ni Yahweh nga intedna kadagiti tattao ni Jacob - a pinanagananna ti Israel-
35 上主曾與他們立約，吩咐他們說：「你們不可敬拜別的神，也不可跪拜，也不可事奉，也不可向他們獻祭；
a nakitulagan ni Yahweh ket binilinna ida, “Saankayo nga agbuteng kadagiti didiosen, wenno agkurno kadakuada, agrukbab kadakuada, wenno agidaton kadakuada.
36 只應敬拜那以強力和伸展的手臂，領你們離開埃地的上主，只應向他跪拜，向他獻祭。
Ngem ni Yahweh a nangipanaw kadakayo manipud iti daga ti Egipto nga addaan iti naindaklan a pannakabalin ken bileg, ket isuna ti masapul a dayawenyo; isuna laeng iti pagkurnoanyo, ken isuna ti pagidatonanyo.
37 我為你們寫定的條例、禮儀、法律和誡命，要時常謹守遵行，不可敬拜別的神。
Tungpalenyo iti agnanayon dagiti pagalagadan ken dagiti paglintegan, dagiti linteg ken bilbilin nga insuratna para kadakayo. Isu a saan a rumbeng nga agbutengkayo kadagiti sabali a dios,
38 我與你們立的盟約，不要忘記，也不要敬拜別的神，
ken saanyo a liplipatan ti katulagak kadakayo; wenno dayawen dagiti sabali a dios.
39 只應敬拜上主你們的天主，他必拯救你們脫離你們一切仇敵的權勢。」
Ngem ni Yahweh a Diosyo ti dayawenyo. Ispalennakayto manipud iti bileg dagiti kabusoryo.”
40 然而，他們不聽，仍然依照他們先前的禮儀而行。
Saanda a dimngeg, gapu ta intultuloyda ti agaramid kadagiti inaramidda iti naglabas.
41 這樣，這些人民敬拜上主，又事奉他們的雕像；他們的子子孫孫也是如此：祖先怎樣行，子孫也怎樣行，直到今日。
Isu a nagbuteng dagitoy a nasion kenni Yahweh ken nagrukbabda met kadagiti kinitikitanda nga imahen, ken kasta met laeng ti inaramid dagiti annakda - a kas met ti inaramid dagiti annak dagiti annakda. Itultuloyda nga ar-aramiden dagiti inaramid dagiti kapuonanda agingga iti daytoy nga aldaw.
