La Bu 21

1 Nathahatna ahi lengpa iti kipah hitam O Yahweh Pakai! Galjona napehjeh'in aman kipah'in kho asam e.

TO THE OVERSEER. A PSALM OF DAVID. YHWH, the king is joyful in Your strength, How greatly he rejoices in Your salvation.

2 Ajeh chu nangin alungthim'a angaichan napen aman athumho khatcha jong nadapeh poi.

You gave the desire of his heart to him, And You have not withheld the request of his lips. (Selah)

3 Nangin lolhin naleh houtheinan nalamto jin, aluchungah sana hoipen lallukhuh nakhuhsah'in ahi.

For You put blessings of goodness before him, You set a crown of fine gold on his head.

4 Aman ahinkho nahoitup peh din athumjin, chule nangin ataona nasanpeh jie. Ahin nikho jong tonsot a din nasuh saopeh ji e.

He has asked for life from You, You have given length of days to him, For all time and forever.

5 Nagaljona chun jabolna lentah achansah in, thupina le loupinan najemhoijin ahi.

Great [is] his glory in Your salvation, You place splendor and majesty on him.

6 Nangin tonsot malsomnan naphungvuh in chuleh nangtoh umkhom a nopna kipana achun naphung vuh e.

For You make him blessings forever, You cause him to rejoice with joy, By Your countenance.

7 Ajeh chu lengpa'n Yahweh Pakai atahsan e. Hat chungnung ngailutna longlou chun alhuhna dinga konnin na hoidoh sah jingin ahi.

For the king is trusting in YHWH, And in the kindness of the Most High he is not moved.

8 Nangin nagalmiho chu namattup sohkei ding, nangma nadouho jouse chu thahattah na banjetna chu na mattup ding ahi.

Your hand comes to all Your enemies, Your right hand finds Your haters.

9 Nangma nahung teng amaho chu meikong lah'a naselut ding ahi. Yahweh Pakai in alunghanna a asuhgam ding meikonga ahalgam ding ahi.

You make them as a furnace of fire, At the time of Your presence. YHWH swallows them in His anger, And fire devours them.

10 Achateu leiset chunga kon a nathaimang ding; amahon sonlepah aneikitlou diu ahi.

You destroy their fruit from earth, And their seed from the sons of men.

11 Amahon nangdounan thil gong jongleu, athilse gonhou chu lolhing louding ahi.

For they stretched out evil against You, They devised a wicked scheme, they do not prevail,

12 Ajeh chu amahon nathalchang amaho kapna dinga nadoi chu amutenguleh kiheimang untin jammang diu ahitai.

For You make them turn their back, When You prepare Your strings against their faces.

13 O Yahweh Pakai na thahat na nasatah a chun hungthou doh tan. Tumgin le lasah to thoa nahat na natoh chu kakipa pi diu ahi.

Be exalted, O YHWH, in Your strength, We sing and we praise Your might!