Thuchihbu 22
1 Haosatna sanga minphat kilhen ding apha jon, sana le dangka sanga jong, mihem lunglhaina um ding aphajoi.
A good name is rather to be chosen than great riches, and loving favour rather than silver and gold.
2 Mihao hihen mivaicha hijongleh akisu-khen thei aum poi, ajeh chu Yahweh Pakai in anitah lhon'a asem ahi.
The rich and the poor meet together — the LORD is the maker of them all.
3 Miching chun alungthim in hahsatna hung lhung ding avephan, ama le ama akivengdoh jin ahi. Hinlah mi lungthim bei le ima kholtoh louva machalpi chun gimna ato tei ding ahi.
A prudent man seeth the evil, and hideth himself; but the thoughtless pass on, and are punished.
4 Kineosah pum le Elohim Pathen gin jeh'a kipaman chu haosatna jouse, jabolna chule hinna ahi.
The reward of humility is the fear of the LORD, even riches, and honour, and life.
5 Phatlouna jenga chonpa lam lhahna chu ling le khaovin abom jin, koi hileh ling le khao lah'a kiveng thempa chu hoidoh tei ding ahi.
Thorns and snares are in the way of the froward; he that keepeth his soul holdeth himself far from them.
6 Chapang chu lamdih jenga khoukhah in, chutileh akhanlhit geija asuhmil lou ding aki lhonpi jing ding ahi.
Train up a child in the way he should go, and even when he is old, he will not depart from it.
7 Mihao in mivaichate chunga vai ahom in, chule sum bapa jong abatsah napa soh'in apang e.
The rich ruleth over the poor, and the borrower is servant to the lender.
8 Koi hileh thu adihlou'a tan chun hamsetna ato tei ding, amapa chu lunghang henlang mol-a pansa jongleh, apansahna mol chu atahsa chunga lechuh ding ahibouve.
He that soweth iniquity shall reap vanity; and the rod of his wrath shall fail.
9 Koi hileh midang mit-ha phatah'a vepa chu phatthei chang ding, ajeh chu aman aneh ding an chu vaicha ho apejin ahi.
He that hath a bountiful eye shall be blessed; for he giveth of his bread to the poor.
10 Miphalou chon chavei ho chu no-mang un, chutileh kinahna jong beiyin tin, baotamna jouse jong thip hel ding ahi.
Cast out the scorner, and contention will go out; yea, strife and shame will cease.
11 Yahweh Pakai in mi lungtheng chu angailun, Koi hileh O ngei sel'a thusei chun lengpa jeng jong gol le paija akisem thei ahi.
He that loveth pureness of heart, that hath grace in his lips, the king shall be his friend.
12 Yahweh Pakai in hetna kiti hi Amit tenin ave-jing in, chule kitahna bei mi chu apaidoh jin ahi.
The eyes of the LORD preserve him that hath knowledge, but He overthroweth the words of the faithless man.
13 Mithasen aseijin, “hichea khun keipi bahkai aum in, potdoh leng kholai dunga ei-tha ding ahi” ati.
The sluggard saith: 'There is a lion without; I shall be slain in the streets.'
14 Jonlungpu numeinu kamsung hi, kokhuh thuh tah ahin, Yahweh Pakai lung hansah chan chu hiche kokhuh sunga hi lhalut tei ding ahi.
The mouth of strange women is a deep pit: he that is abhorred of the LORD shall fall therein.
15 Chapang lungthim sunga hi ngolna dimset ahin, hinlah achunga hilchahna aum teng, ngolna chu bei tei ding ahi.
Foolishness is bound up in the heart of a child; but the rod of correction shall drive it far from him.
16 Hao ding deija mivaicha sugentheija chule ahaopa pehbe mi chu vaichat nan aphah ding ahi.
One may oppress the poor, yet will their gain increase; one may give to the rich, yet will want come.
17 Nana hong phan lang miching ho thumop ngaiphan, chule kahetna hi nalung sunga het tei ding gon lang kisanlut in;
Incline thine ear, and hear the words of the wise, and apply thy heart unto my knowledge.
18 Ajeh chu hiche ho jouse hi nalung sunga nachin leh, nangma dinga lung nopna'a pang ding, chule aboncha nakam'a na phondoh thei teng, nalung lhai ding ahi.
For it is a pleasant thing if thou keep them within thee; let them be established altogether upon thy lips.
19 Ajeh chu Yahweh Pakaija nakison theina dinga, tunia hi keiman nangma jah-tah'a kaseipeh nahi.
That thy trust may be in the LORD, I have made them known to thee this day, even to thee.
20 Keiman nakom'a thumopna le hetthemna thucheng phatah tah kasutdoh peh nahi lou ham?
Have not I written unto thee excellent things of counsels and knowledge;
21 Hitiahi nangman thutah hochu nahet them'a, chutengleh nahinsol ho ang-a thu adih'a na donbut theina dinga kahil nahi.
That I might make thee know the certainty of the words of truth, that thou mightest bring back words of truth to them that send thee?
22 Najotho man'in mivaicha ho chom hih in, ama chu vaicha tahbeh ahi.
Rob not the weak, because he is weak, neither crush the poor in the gate;
23 Ajeh chu Yahweh Pakai hi amaho vengtup a pang ahin, koi hileh amaho sumang achu Aman asuhmang ding ahi.
For the LORD will plead their cause, and despoil of life those that despoil them.
24 Milung chom le lunghang jing hotoh kivop dan, chule mi lungsa jing hoto jong chekhom hih in.
Make no friendship with a man that is given to anger; and with a wrathful man thou shalt not go;
25 Hitia chu naum louleh ama tobanga nachon ding, chepaina'a nanei loa nahinkho lamvai ding ahi.
Lest thou learn his ways, and get a snare to thy soul.
26 Bat lahna'a batman a kitung doh ho bang in, batsah nan kimoh tun hih in.
Be thou not of them that strike hands, or of them that are sureties for debts;
27 Asahna ding ima naneitah lou jongleh, nalupna jalkhun geijin pedoh jeng tan.
If thou hast not wherewith to pay, why should he take away thy bed from under thee?
28 Napu Napa khang apat gamgi melchihna song chu, nangman na chondoh lou ding ahi.
Remove not the ancient landmark, which thy fathers have set.
29 Lolhingtah'a natong khut them namudoh lou ham? Amachu lengpa ang-sunga bou ding ding, michavei masanga vang ding thei lou ding ahi.
Seest thou a man diligent in his business? he shall stand before kings; he shall not stand before mean men.
