Thuchihbu 14
1 Numeiching in ain-chen akisemtup in, numei ngol in vang amatah ain-chen sukeh in apangin ahi.
智慧的婦女，足以興家；愚昧的婦女，親手將家拆毀。
2 Lungdih'a lam jot chun Yahweh Pakai a ging in, hinlah achena jousea thilphalou gelpan Yahweh Pakai anahsah jipon ahi.
履行正路的人，敬畏上主；愛走曲徑的人，輕視上主。
3 Mingol in akijepna ding akiseidoh bep jin, miching hon vang ahoidoh nadiu akiseidoh jiuvin ahi.
愚昧人口中，有傲慢的根苗；智慧人的唇舌，是自己的保障。
4 Bongchal loukai ding umlou na-a chang akilamdoh ngai pon, ajeh chu bongchal thahat akon chang tampi kilam-ji ahi.
沒有耕牛，沒有五穀；耕牛愈雄壯，收穫愈豐富。
5 Mi kitah hettoh sah-a apan teng jouthu asei ngai pon, mikitah lou hettoh sah-a apan teng jou le nal in thu aseijin ahi.
忠實的證人，決不說謊；虛偽的證人，謊言連篇。
6 Michavai hon chihna ahol-un amu jou deh pouvin, hinlah thil hetthemna neipa ding in chihna hi nailam cha ahibouve.
輕狂人求智，只屬徒然；明智人求知，卻很容易。
7 Mingol hoa kon'in kikhin mang in, ajeh chu amaho kamsunga kon'in chihna thu kisei japon nate.
你應遠離愚昧的人，由他口中決得不到明哲。
8 Milungthim ching hon ajot nadiu lampi akihet-un, mingol ho vang joulhepna jeng ahi.
明智人的智慧，在於審察自己的行徑；愚昧人的昏愚，在於自欺欺人。
9 Elohim Pathen in miphalou aphohsal jin, michonpha hon vang Elohim Pathen lunglhaina akimu jiuve.
罪孽住在愚昧人中，恩愛與正直人為伍。
10 Mihem lungthim hin gim le hesoh ahen, midang in akipanau chu ahetthem peh-un ahi.
心頭的愁苦，唯有自己知；心中的喜樂，他人無分享。
11 Migilou ho inchu kiphet lhah peh ding, mikitah ho ponbuh vang dettah a kisong jing ding ahi.
邪僻人的家庭，必遭破壞；正直人的帳幕，卻要興隆。
12 Mihem khat'in achena lampi chu dih-in agel jin, hinlah alampi chu ajonaleh thina ahi.
有些道路，看來正直；走到盡頭，卻是死路。
13 Nuijat pat jeng in jong mihem alung kham jin, kipana jeng jong gimnan akichai-ji tai.
連在歡笑中，心亦有感傷；歡笑的結局，往往是痛苦。
14 Mikitah lou chu achena chan'a atohga aneh ding, hitobanga chu miphan jong atohga aneh ding ahi.
變心的人，必自嘗其果；良善的人，必得其善報。
15 Mihem meimeija um chun akisei jouse atahsan jin, miching in vang achena ding akivet phet in ahi.
幼稚的人，有話必信；明智的人，步步謹慎。
16 Miching hon chingthei tah'in thilse apeldoh jiuvin, mingol hon vang ngol han pum'in na atong jiuve.
智慧人戒避邪惡，愚昧人驕矜自負。
17 Milungchom hon ngol hoitah in thil abol jiuvin, hinlah thil hethem mivang chu atomngai ahi.
易怒的人，做事昏愚；慎思的人，事事含忍。
18 Mihem meimeija um chu ngolna ahin, miching hon hetna kiti hi lallukhuh a aneiyu ahi.
愚昧的人，以愚昧為基業；明智的人，以知識為冠冕。
19 Thilse kiti phot chu thilpha masanga dilsu ding, miphalou ho jong mikitah ho kelkot phunga dilsu diu ahi.
歹徒將伏在善人面前，惡人將跪在義人門前。
20 Mivaicha hohi ain-heng ho kisan in athet bol jiuvin, mihao ding in vang golpha atam jin ahi.
貧窮的人，為親朋所厭；富貴的人，則高朋滿座。
21 Aheng akom ngailu lou mihem chu achonse ahin, mivaicha ho ngailua chu anunnom ahi.
藐視近人，便是犯罪；憐憫苦人，纔是有福。
22 Thilse jeng gel hon suhkhel anei tei jiuvin, thilpha jeng ngaito hon vang tahsanna le kitahna akimu jiuvin ahi.
陰謀邪惡的人，豈非走入歧途﹖策劃行善的人，必獲慈惠忠誠。
23 Natoh hahsa kiti chun aphachom asoh tei ding, natoh beija thumot seina hin vaichat asoji ahi.
一切勞苦皆有利益；只有閒談，引人貧窮。
24 Miching ho ding in chihna hi lallukhuh in apang jin, mingol ho ding in vang ngolna hi pahvui banga aki-o jiu ahi.
智慧人的冠冕，是他們的機智；愚昧人的冠冕，是他們的糊塗。
25 Mikitah hettohsah a apan teng mi tampi huhdoh jin, hinlah thujou seina hin mihem amanthah sahji ahi.
忠實的見證，救人性命；作假證的人，危害他人。
26 Elohim Pathen ging kiti hi mihem dinga kisonna ahin, achate jeng jong ama'a kisel diu ahi.
敬畏上主，是穩固的靠山；為他的子孫，也是個避難所。
27 Yahweh Pakai gin kitihi hinna twinah tobang ahin, ajeh chu mihem in thina jeng jong apeldoh-ji ahi.
敬畏上主，是生命的泉源，使人脫免死亡的羅網。
28 Gamsunga cheng mipite apunbe teng lengpa loupina ahin, hinlah mihem lhomcha ahiteng milen milal dinga pannabei ahibouve.
人民眾多，是君王的光榮；庶民缺少，是王侯的沒落。
29 Koi hileh lunghang vahlou chun thil hetthemna anei ahin, kino thethua lungchomna vang chun ngol-hoitah atoh doh ding ahi.
緩於發怒的人，必甚有見識；脾氣暴躁的人，必大顯愚昧。
30 Lungneng tah'a um hi tahsa damna ahin, hinlah thangthipna kiti hi gu le chang in adoulel ahi.
心平氣和，使身體康健；心懷嫉忌，使骨骸腐蝕。
31 Mivaicha sugenthei hon asempau Elohim Pathen ataitom nau ahin, amavang nei lou genthei khoto them chun asempa Elohim Pathen agin ahi.
欺壓窮人的，就是凌辱他的造主；憐恤苦人的，就是尊敬他的造主。
32 Miphalou chu toset atosah in alehkhup jin, mikitah ding in vang bitna aum jing in ahi.
惡人因自己的邪惡，必被毀滅；義人因自己的正義，有所憑藉。
33 Thil detkhen them mi chun chihna anei jing in, mingolte lungthim sunga vang chihna in mun aneipoi.
智慧居於哲人的心中，愚人的懷中一無所見。
34 Thudih hin mihem namkhat adom sang in, hinlah chonsetna hin mihem nam pumpi muda achansah ahi.
正義能以興邦立國，罪惡卻使人民衰落。
35 Lhacha chingtah'a natong hin, lengpa lunglam aboldoh jin, jachatna natongpa chunga lengpa alungkim jipoi.
明哲的臣僕，蒙受君王的寵幸；無用的臣僕，必遭君王的盛怒。
