Pagbangotan 3
1 Ako ang tawo nga nakakita sa kaalaotan sa bunal sa kapungot ni Yahweh.
I am the man that has seen affliction by the rod of his wrath.
2 Gipahilayo niya ako ug gipalakaw sa kangitngit kay sa kahayag.
He has led me and caused me to walk in darkness, and not in light.
3 Sigurado gayod nga gihimo niya ako nga kaaway; gidagmalan niya ako sa iyang kamot sa tibuok adlaw.
Surely against me he turns his hand again and again all the day.
4 Gikuniskunis niya ang akong kaunoran ug akong panit; gidugmok niya ang akong mga bukog.
My flesh and my skin he has made old; he has broken my bones.
5 Nagtukod siya ug mga babag alang kanako, ug gipaalirongan ako sa kapaitan ug kalisdanan.
He has built against me, and surrounded me with bitterness and hardship.
6 Gipapuyo niya ako sa mangitngit nga mga dapit, sama niadtong dugay na nga nangamatay.
He has made me to dwell in dark places, like those that have been long dead.
7 Nagtukod siya ug pader libot kanako, ug dili ako makaikyas. Gipabug-atan niya ang akong mga gapos.
He has walled me in, so I can't escape; he has made my chains heavy.
8 Bisan tuod nagtawag ug nagsinggit ako alang sa pakitabang, wala niya tagda ang akong mga pag-ampo.
Yes, when I cry, and call for help, he shuts out my prayer.
9 Gibabagan niya ang akong agianan sa mga pader sa mga bato nga sinapsapan; baliko ang matag dalan nga akong agian.
He has walled up my ways with cut stone; he has made my paths crooked.
10 Sama siya sa usa ka oso nga naghulat sa paghasmag kanako, usa ka liyon nga nagtago.
He is to me as a bear lying in wait, as a lion in hiding.
11 Gipatipas niya ang akong mga agianan. Gikuniskunis niya ako ug gibiyaan.
He has obstructed my path, and torn me in pieces; he has made me desolate.
12 Gibinat niya ang iyang pana ug gitumong niya ako nga ig-onon alang sa udyong.
He has bent his bow, and set me as a mark for the arrow.
13 Gipana niya ang mga udyong sa iyang baslayan aron mosulod sa akong mga kidni.
He has caused the arrows of his quiver to pierce my inward parts.
14 Nahimo akong kataw-anan sa tanan nakong katawhan, ang ulohan sa ilang biaybiay nga alawiton adlaw-adlaw.
I have become a laughingstock to all peoples, and their song all the day.
15 Gipuno niya ako sa kapait ug gipugos ako pag-inom sa panyawan.
He has filled me with bitterness, he has given me in full measure wormwood.
16 Gigupok niya ang akong mga ngipon sa graba, ug gimu-mo niya ako ngadto sa abog.
He has also broken my teeth with gravel; he has pressed me down in the dust.
17 Gikuhaan mo ako ug kalinaw sa akong kinabuhi; dili na ako makahinumdom sa bisan unsa nga kalipay.
You have removed my soul far away from peace; I have forgotten what prosperity is.
18 Busa miingon ako, “Ang akong paglahutay nahanaw na, ug ang akong paglaom diha kang Yahweh nawala na.”
And I said, "My strength and my hope has perished from the LORD."
19 Nahunahunaan ko ang akong kasakitan ug akong pagkahisalaag sa panyawan ug sa kapaitan.
Remember my affliction and my misery, the wormwood and the gall.
20 Nahunahunaan ko gayod kini, ug moyukbo ako nga wala nay paglaom.
My soul considers them, and is depressed.
21 Apan nahunahunaan ko kini, ug mao kini ang hinungdan nga ako aduna pay paglaom:
But this I call to my mind; therefore I have hope:
22 Pinaagi kini sa matinud-anon nga kasabotan ni Yahweh mao nga wala kita gilaglag, kay ang maluloy-on niya nga mga buhat dili matapos.
The LORD's faithful love does not cease; his compassion does not fail.
23 Ang iyang maluloy-on nga mga buhat nganhi kanato bag-o matag buntag. Ang imong pagkamatinud-anon hilabihan!
They are new every morning; great is your faithfulness.
24 “Si Yahweh mao ang akong panulondon,” miingon ako sa akong kaugalingon, busa molaom ako kaniya.
"The LORD is my portion," says my soul, "therefore I will hope in him."
25 Maayo si Yahweh sa magahulat kaniya, sa kinabuhi nga nangita kaniya.
The LORD is good to those who wait for him, to the soul that seeks him.
26 Maayo gayod nga maghulat nga hilom sa kaluwasan ni Yahweh.
It is good that a man should hope and quietly wait for the salvation of the LORD.
27 Maayo kini alang sa usa ka tawo nga magpas-an ug yugo sa iyang pagkabatan-on.
It is good for a man that he bear the yoke while he is young.
28 Palingkora siya nga mag-inusara ug maghilom, tungod kay gibutang kini ni Yahweh nganha kaniya.
Let him sit alone and keep silence when he is disciplining him.
29 Tugoti nga ibutang niya ang iyang baba sa abog, ug tingali mahimong adunay paglaom.
Let him put his mouth to the dust, there may yet be hope.
30 Tugoti nga ihatag niya ang iyang aping sa tawo nga nagsagpa kaniya. Tugoti nga mapuno siya sa kaulawan,
Let him give his cheek to him who strikes him; let him be filled with insults.
31 kay ang Ginoo dili mosalikway kaniya hangtod sa kahangtoran!
For the LORD will not reject forever.
32 Kay bisan tuod nagdala siya ug kagul-anan, mopakita usab siya ug kaluoy nga naggikan sa pagkamaayo sa matinud-anon niyang kasabotan.
For though he may cause grief, yet he will have compassion according to the abundance of his loving kindness.
33 Kay dili siya magdaogdaog gikan sa iyang kasingkasing, o pasakitan ang mga anak sa mga tawo.
For he is not predisposed to bring affliction or suffering to human beings.
34 Ang pagdugmok sa tanan nga binihag sa kalibotan ilalom sa iyang tiil,
To crush under foot all the prisoners of the earth;
35 ang dili pagtagad sa hustisya sa mga tawo atubangan sa Labing Taas,
to deprive a man of justice before the face of the Most High,
36 ang pagbaliwala sa usa ka tawo sa iyang katungod—wala ba nakakita ang Ginoo?
to subvert a man in his cause, the LORD does not approve.
37 Kinsa man ang nagasulti ug unya kini mahitabo sa dihang ang Ginoo wala nagmando niini?
Who can speak a thing and have it come to pass, unless the LORD has commanded it?
38 Dili ba ang katalagman ug kalamposan mogawas man sa baba sa Labing Taas?
Doesn't both calamity and good come out of the mouth of the Most High?
39 Nganong magmulo man ang bisan kinsa nga tawo nga buhi? Nganong magmulo man ang bisan kinsa nga tawo mahitungod sa pagsilot alang sa iyang mga sala?
Why does a living man complain, a man for the punishment of his sins?
40 Sulayan ug susihon nato ang atong mga pamaagi, ug mobalik pag-usab kang Yahweh.
Let us examine and search our ways, and return to the LORD.
41 Ipataas nato ang atong mga kasingkasing ug atong mga kamot ngadto sa Dios sa kalangitan ug mag-ampo:
Let us lift up our heart with our hands to God in the heavens.
42 “Nakalapas kami ug misukol batok kanimo, busa wala mo kami pasayloa.
We have transgressed and have rebelled, and you have not forgiven.
43 Gitabonan nimo ang imong kaugalingon uban sa kasuko ug nagalutos kanamo. Gipatay mo kami, ug wala mo kami gikaluy-an.
You have covered yourself with anger and pursued us; you killed without sparing.
44 Gitabonan nimo ang imong kaugalingon sa panganod, aron nga walay pag-ampo nga makalahos.
You have covered yourself with a cloud, so that no prayer can pass through.
45 Gisalikway mo kami ug gidumilian sa katawhan.
You have made us rubbish and refuse in the midst of the peoples.
46 Ang tanan namong kaaway nagbuka sa ilang mga baba aron sa pagbiay-biay batok kanamo.
All our enemies have opened their mouth wide against us.
47 Ang kahadlok sa bung-aw miabot kanamo, ang pagkabiniyaan ug pagkadugmok.”
Fear and the pit have come on us, devastation and destruction.
48 Ang akong mata mihilak sama sa tubig sa suba tungod sa pagkadugmok sa anak nga babaye sa akong katawhan.
Streams of tears run down from my eyes because of the destruction of the daughter of my people.
49 Ang akong mga mata wala naghunong sa pagdagayday, kay wala nay kahumanan niini
My tears flow and do not cease, without respite,
50 hangtod nga si Yahweh modungaw ug makakita gikan sa langit.
until the LORD looks down and sees from heaven.
51 Ang akong mata nagdala ug hilabihan nga kasakit sa akong kinabuhi tungod sa tanang anak nga babaye sa akong siyudad.
My eyes bring my soul grief, because of all the daughters of my city.
52 Walay hunong ako nga gipangita sa akong mga kaaway sama sa usa ka langgam nga walay kapasikaran.
They have chased me relentlessly like a bird, those who are my enemies without cause.
53 Gilaglag nila ang akong kinabuhi sa atabay ug gibutangan ug bato ang akong ulo.
They have cut off my life in a pit, and have cast a stone on me.
54 Milapaw ang mga tubig ibabaw sa akong ulo; Miingon ako, “Mamatay na ako!”
Waters flowed over my head; I said, 'I am finished.'
55 Gitawag nako ang imong ngalan, Yahweh, gikan sa kinahiladman sa bung-aw.
I called on your name, LORD, out of the depths of the pit.
56 Nadungog nimo ang akong tingog sa dihang miingon ako, “Ayaw tagoi ang imong igdulongog gikan sa akong tawag sa pagpahupay, gikan sa akong hilak sa pagpakitabang.”
You heard my voice; do not hide your ear at my sighs, to my cry.
57 Giduol mo ako sa adlaw nga mitawag ako kanimo; gisultihan mo ako, “Ayaw kahadlok!”
You drew near in the day that I called on you; you said, "Do not be afraid."
58 Ginoo, gipanalipdan mo ako sa dihang nahukman ang akong kinabuhi; giluwas mo ang akong kinabuhi!
LORD, you have taken up the case for my soul; you have redeemed my life.
59 Yahweh, nakita mo ang ilang pagdaogdaog kanako. Hukmi ang akong kahimtang nga makataronganon.
You have seen, LORD, the wrong done to me; judge my case.
60 Nakita mo ang tanan nilang mga buhat sa pagpanimalos, ang tanan nilang mga laraw batok kanako.
You have seen all their vengeance and all their plots against me.
61 Nadungog mo ang ilang pagpanghimaraot, Yahweh, ug ang tanan nilang mga laraw mahitungod kanako.
You have heard their insults, LORD, and all their plots against me.
62 Nadungog nimo ang mga ngabil niadtong nakigbatok kanako; nadungog mo ang halalom nilang mga panghunahuna batok kanako sa tibuok adlaw.
The lips of those that rose up against me, and their plots against me all day long.
63 Sa paglingkod man nila o sa ilang pagtindog, tan-awa, Yahweh! Ako mao ang ilang gibiaybiay sa ilang alawiton.
Look their sitting down, and their rising up; I am their mocking song.
64 Balosi sila Yahweh, sama sa kalisod sumala sa nahimo sa ilang mga kamot.
You will render to them what they deserve, LORD, according to the work of their hands.
65 Ihatag ang pagkamahinadlokon sa ilang mga kasingkasing; ihatag ang tunglo kanila.
You will give them hardness of heart as your curse to them.
66 Gukda sila sa imong kasuko ug laglaga sila bisan asa ilalom sa kalangitan, Yahweh!
You will pursue them in anger, and destroy them from under the heavens of the LORD.
