Job 20
1 Unya mitubag si Zofar nga Naamatihanon ug miingon,
| ויען צפר הנעמתי ויאמר׃ |
2 “Paspas ako makatubag tungod sa kabalaka nga anaa sa akong mga hunahuna.
| לכן שעפי ישיבוני ובעבור חושי בי׃ |
3 Naulawan ako tungod sa akong nadungog nga pagbadlong gikan kanimo, apan ang espiritu nga labaw pa sa akong panabot nagatubag kanako.
| מוסר כלמתי אשמע ורוח מבינתי יענני׃ |
4 Wala ka ba nasayod niini nga kamatuoran nga gikan sa karaang kapanahonan, sa dihang gibutang sa Dios ang tawo sa kalibotan:
| הזאת ידעת מני עד מני שים אדם עלי ארץ׃ |
5 hamubo lamang ang kadaogan sa tawong daotan, ug hamubo lamang ang kalipay sa tawo nga walay dios?
| כי רננת רשעים מקרוב ושמחת חנף עדי רגע׃ |
6 Bisan tuod ang iyang katas-on mosangko hangtod sa kalangitan, ug ang iyang ulo mosangko sa kapanganoran,
| אם יעלה לשמים שיאו וראשו לעב יגיע׃ |
7 apan ang maong tawo mahanaw gayod sama sa iyang kaugalingong hugaw; kadtong nakakita kaniya moingon, 'Hain naman siya?'
| כגללו לנצח יאבד ראיו יאמרו איו׃ |
8 Mahanaw siya sama sa damgo ug dili na makaplagan; sa pagkatinuod, gukdon siya sama sa panan-awon sa kagabhion.
| כחלום יעוף ולא ימצאוהו וידד כחזיון לילה׃ |
9 Dili na makakita kaniya pag-usab ang mata nga nakakita kaniya; ug ang iyang dapit dili na makakita kaniya.
| עין שזפתו ולא תוסיף ולא עוד תשורנו מקומו׃ |
10 Mangayog pasaylo ang iyang mga anak ngadto sa mga tawong kabos; ibalik niyag hatag ang iyang bahandi pinaagi sa iyang kamot.
| בניו ירצו דלים וידיו תשבנה אונו׃ |
11 Puno ang iyang kabukogan sa kusog sa pagkabatan-on, apan mohigda kini uban kaniya sa abog.
| עצמותיו מלאו עלומו ועמו על עפר תשכב׃ |
12 Bisan tuod tam-is ang kadaotan sa iyang baba, bisan tuod ug gitago niya kini ilalom sa iyang dila,
| אם תמתיק בפיו רעה יכחידנה תחת לשונו׃ |
13 bisan ug gipundo niya kini ug gitipigan sa iyang baba—
| יחמל עליה ולא יעזבנה וימנענה בתוך חכו׃ |
14 ang pagkaon sa iyang tinai mahimong pait; mahimo kining lala sa bitin sa iyang kinasuloran.
| לחמו במעיו נהפך מרורת פתנים בקרבו׃ |
15 Tunlon niya ang bahandi, apan isuka gihapon niya kini pag-usab; pagawson kini sa Dios gikan sa iyang tiyan.
| חיל בלע ויקאנו מבטנו יורשנו אל׃ |
16 Suyupon niya ang lala sa bitin; ang dila sa bitin maoy makapatay kaniya.
| ראש פתנים יינק תהרגהו לשון אפעה׃ |
17 Dili na siya makapahimulos sa mga sapa, ang paghaganas sa dugos ug sa mantikilya.
| אל ירא בפלגות נהרי נחלי דבש וחמאה׃ |
18 Ibalik niya ang bunga sa iyang paghago apan dili na siya makakaon niini; dili na siya makapahimulos sa bahandi nga halin sa iyang negosyo.
| משיב יגע ולא יבלע כחיל תמורתו ולא יעלס׃ |
19 Tungod kay gidaogdaog ug gipasagdan niya ang mga tawong kabos; mapugsanon niya nga giilog ang mga balay nga dili siya ang nagtukod.
| כי רצץ עזב דלים בית גזל ולא יבנהו׃ |
20 Tungod kay wala siya makasinati sa katagbawan, dili niya matipigan ang bisan unsang mga butang nga makapalipay kaniya.
| כי לא ידע שלו בבטנו בחמודו לא ימלט׃ |
21 Walay laing nahibilin nga wala niya gilamoy; nagpasabot nga dili molungtad ang iyang pagkaadunahan.
| אין שריד לאכלו על כן לא יחיל טובו׃ |
22 Mahulog siya sa kagubot tungod sa kadagaya sa iyang bahandi; moduol kaniya ang mga kamot sa tanan nga anaa sa kawalad-on.
| במלאות שפקו יצר לו כל יד עמל תבואנו׃ |
23 Sa dihang busgon na niya ang iyang tiyan, ilabay sa Dios ang kabangis sa iyang kasuko ngadto kaniya; paulanan siya niini sa Dios samtang gakaon siya.
| יהי למלא בטנו ישלח בו חרון אפו וימטר עלימו בלחומו׃ |
24 Bisan tuod ug kanang tawhana mopalayo gikan nianang puthaw nga hinagiban, ang bronsi nga pana moigo kaniya.
| יברח מנשק ברזל תחלפהו קשת נחושה׃ |
25 Motaop ang pana sa iyang likod ug molapos sa pikas; sa pagkatinuod, moigo gayod sa iyang atay ang sinaw nga hait niini; ang pagkalisang moabot kaniya.
| שלף ויצא מגוה וברק ממררתו יהלך עליו אמים׃ |
26 Nakatagana ang hingpit nga kangitngit alang sa iyang mga bahandi; molamoy kaniya ang kalayo nga dili matayhop; lamoyon niini ang bisan unsa nga nahibilin sa iyang tolda.
| כל חשך טמון לצפוניו תאכלהו אש לא נפח ירע שריד באהלו׃ |
27 Ibutyag sa kalangitan ang iyang kasal-anan, ug makigbatok kaniya ang yuta ingon nga saksi.
| יגלו שמים עונו וארץ מתקוממה לו׃ |
28 Mawagtang ang bahandi sa iyang balay; maanod ang iyang kabtangan sa adlaw sa kasuko sa Dios.
| יגל יבול ביתו נגרות ביום אפו׃ |
29 Mao kini ang bahin sa tawong daotan gikan sa Dios, ang kabilin nga gitagana kaniya sa Dios.”
| זה חלק אדם רשע מאלהים ונחלת אמרו מאל׃ |
